2013 vana aharu nimi 2014 vana aharah rajje maruhabaa kiyee, siyaasee roagaa thakaai hama nujehunthakun eh’kibaave’, amaan omaan hiyhgaimu ahareh dhekumuge foni ummeedhehgaeve. Shakkeh netheve. 2 aharu dhuvahah dhigudhemigen dhiya qairu qaanoonee sarukaarehge nimun athuve’, alah huvaa kurevvi Raees, Abdulla Yameen ge sarukaaraai medhu dhiveheenge thereygai oiyh yageen kamaai huvafenthah bodu vumunneve. Alhugandumenge therein konme rayyithehge ves hithuga jehi vin’dhakee eh rayyithunge huvafenthakugai kula jesseyne kamah oiyh ummeedheve. Magu olhifavaa komme zuvaanakah, eh zuvaaneh hingaaney magu thanavaskohdhehvaane kamuge ummeedheve. Komme maeh ves, eh maehge rahimuga vaa nu-ufan dhareege fahi musthaqbalaaimedhu kurevunu ummeedheve.
Aadheyheve. Ehen namaves eh ummeedhuthakah lolhun araa, faslevi kilanbuvegen dhiyaee sarukaarun eh rayyithunge ihusaas thah qaragu kollumunneve.
2014 vana aharu feshigen aee, Supreme Court ge fandiyaareh kamugavaa Ali Hameed ge barahanaa video ge massala balan gengulhunu report thakah elhunu Coffee inneve. Eah fahu, minivan muassasaa eh kamugavaa Elections Commissionge Raees adhi naib raees, qaanoonaai mulheen khilaafah magaamun vakikoh, Supreme Court in ivvi hukumakunneve. Adhi mi aharu nimigen mi dhanee Judiciary himaaiyaikoh minivan kurumah govaali adu sarukaarun naahaa, fandiyaaruge islaahu nukoh, eh fandiyaarugeyge uhthama fandiyaaru Faiz aai, minivan fandiyaaru Mu’uthasim magaamun vaki kurumaai eku eve.
Rayyithunge hiyhthakugai ufedhifaivaa biruverikamah, ithuru halleh aya nudhee hifehehtuvee, rajjeyge emme bodu tertiary hospital ge ihumaalun, maabandu meehehge gayah elhi HIV+ve leyakunneve. Mi haadhisaa aai eku, mulhi Male’ aai Rajje guduvaalaa, Sarukaarah inthihaa ah pressure kuramun dhiyaeve. Rajjeyge siyh’hee haalathu dhuvahakah vureh dhuvaheh dhahvamun gos, Health Minister Shakeela magaamun vaki kurevuneve.
Rajjeyge ijthimaaee haalathu dhashah dhaan medhuverivi aneh sababakee Male’ge ge thakun “gengulhun manaa” kamah tag koh hoadhaafaivaa janavaaruthah maraa huskurumeve. Eh janavaaruthakuge veri faraathun ekamaa dhekolhah adu ufuli namaves, sarukaarun ekamah beeru kanfatheh dhee, eiy nuvaa kameh kamah vane hadhaafa eve.
Naamaan vefaivaa Male’ ge maguthah, amaan kurumah sarukaarun vaudhu vee namaves, maaraamaaree ah huttumeh nais, jumla 7 meehaku mi aharu maraalaafai ve eve. Sarukaaru hin’gaa partyge parliamentary group ge leader ah rajjeygai gang thakeh nufenunu namaves, gang maaraameege case thah mi aharu 20 ah vureh gina eve. Journalist innaai, sarukaaraai idhikolhu majilis membarunnah maruge inzaaruge message thah libemun gos, dhen alhugandumennah fenigen dhiyaee Minivan noohuge noosveriyaa Rilwan gelluvaali manzareve. Veenuvee eh neygi Rilwan gelli, adhi adhah dhaan dhenves nufenunu iru, ethah faharehge mathin thakuraarukoh Rilwan ah maruge inzaaruge message thah libifai ve eve.
Maafushy jalun 2 kuvveriaku filaa, mulhi qaumu alert ah genas, Home Minister ge harukashi basthah rangalhah rayyithunnah roa nufilanees eh 2 qaidheen hoadhaa, anburaa golhi ah vahdhaafai vanee, Polihunnaai MNDF ge qaabil kamaai fenvaru huri kan emme rangalhah dhehkumah fahu eve. Namaves hithaama akee noo kashin hiyvaru nere eh 2 qaidheen hoadhumah kuri masakkathaai gaathahves, Rilwan hoadhumuge masakkaiyh kohfai nuvumeve.
Male’ ge maguthakugai in’dhaafaivaa fen foah ruhthah goiyh neygey bayaku kendithaa kuda dhuvaskolheh fahun, mulhi Male’ vanee fenah jehifa eve. MWSC ge fen ufahdhaa plant gai alifaan roavumuge sababun Male’ in fenuge khidhumaiyh hafthaa akah medhu kenduneve. Beyruge gaumuthakun rajje ah eh dhandivalhugai ehee foarukohdhee, India in eh kamah dhaaimee halleh hoadhaadhinumah sarukaarugai edhumun, sarukaarun mi haadhisaa aai gulhigen ufehdhi Task Force ge head Nazim beynunvee rayyithun “felan” fund fotteh bahattaasheve.
Mi aharuge mifadha us-ali thakun rajje ah kaamiyaabeh libifa oiyh kamakah alhugandakah nufene eve. Dhuniyeyge mash’hooru rap lava kiyuntheriyaa Sean Paul ah maruge in’zaarudhee Dhivehinge therein bayaku hadhaafaivaa video eh, YouTube gai shaaiu kurumun mulhi dhivehinnah libunu hadi namaai eku mi nimigen dhiya 365 dhuvahakee Rajje ah Naakaamiyaabu dhuvasthakeh kamugai alhugandumenah kashavaruve engihjje eve.
Kun's Blog 