Miee mash’hooru lavakiyuntheriya Rashad hahdhavai kiyuvvaafaivaa lavaekeve. Mi liyumugai alhugandu masakkaiyh kureveytho miulheny mi lavaige kadithah sharahakoh olhunfiluvai dhinumasheve. Vidhaalhuvamun gendhavaasheve.
Loabeege thiya khazaanaa,
Ishgeege fari malaaaey,
Dhuvahaku hithun nudhaaney
Suvaruge akee kalaaey.
Loaiybakee faadehge ehchekey meehun buneyeve. Namaves alhugandu gaboolu kuraa gothugai, ishgu nuvatha loaibbakee “faadeh” nuvaa hama ekani ihusaaseve. Dhuniyeygai insaanakah kurevey emme ufaaveri ihusaasakee loabi vumaai loabi libumeve. Eiy mulheen thafaathu jazbaathekeve. Mi lavaige furathama baigai shaairu vidhaalhuvany, loabivegen ulhey kujjakee dhuvahaku nudhekey fadha fari kujjeh kamasheve. Adhi eiy loabeege bageecha thakun fenifai nuvaa fadha furihakameh huri kujjeh kamasheve. Meege dheyhakohdhenee mi anhen kujjaa akee eynaage hayaathugai binvalhu negifaivaa handhaanthakaa gulhifaivaa kujjeh kameve. Adhi eyna ah hiyhama jehumaai ufaa libenee e’ handhaan thakunkanves dheyhaveyeve.
Aashoahu fahe nuveyhey?
Moonaa dheloa dhekeyshey,
Mehemaanunah ufaadhey,
Shehenaa akee thibaa ey.
Loabivegen ulhey kujjakah thaureefu nukoh dhookohlaa ekakuves hageegee loaiybeh nuveyeve. Migothun mi baithu thakugai thaureefuge feshun genasfaivaa goiy varah furihamaeve. Mi baigai mi bunanee eynaage loabiveriyaage sifa reethi vaahakeve. Furathama nazarunves insaanakah loabi veveyhaa, gayaavaa kahala reethi sifathakeh huri vaahakeve. Eynaa fenifai konme meehehge nazaru hutteyne kamah shaairu bayaan eba kureyeve. Mi furihama kamuge ithuru thafseel hoadhamaa heyyeve?
Ishgeege maaiy sharaabathu,
Edhenee mi dhevvevun adhu,
Dhevvaifi nama giyaamathu,
Dhevvee e’maaiy naseebey
Shaairuge hurihaaves ummeedheh gulhifaivanee eynaage loabiveriyaa haasil kurun kamaa medhaku evves shakkeh netheve. Migothun eynaage loabiveriyaa aai eku dhaaimah dhiriulhen furusathu libumakee mi dhuniyeygai eynaa ah libeyne emme bodu naseebu kamah matheegaibaa baithun eba dheyha kohdheyeve. Eynaage dhuaa akee emme fahu vaguthaa jehendhenves eynaage loabiveriyaa aai eku ulheveyne gotheh medhuveri kurevvumeve. Ehen hurihaa kamakah vureh bodah, eynaage loabiveriyaa haasil kurumakee mi vaguthah eynaa ah oiy emme vaajibu kanthah kan eba bunedheyeve.
Noorey loluge bayaaney,
Rooheh dhevana nuvaaney,
Soorave loluge dhe koives,
Hooreh’he thee kalaaey
kalaage thi dheloluge noorakee nuhanu asaru ekulevigenvaa alikameh kamah bune, anehkaaves loabiveriyaa ah thaureefu kuran fashaifieve. Mi baithuga anehkaaves bayaan mi kuranee loabiveriyaage hedhi huri rivethi sooraige vaahakaeve. Eynaage loluge belumun mulhi zindhagee ah lolhun araa fadha ihusaaseh kuruvaa fadhaeve. Dhuniyeyge madhu meehakah libifaivaa niumatheh fadha hooru paree akaa, eynaa eba ehfadha kureyeve. Mihaa reethi meehaku fenumun majunoonakah nuve nudhaanee kaakuthoa eve?
Ulfathu hithah libeyney,
Zulfun maleh folheyney,
Bulbul hazaaru dhaasthey,
Ful’hoohu thee bahaarey
Loabeege gulhashanah emme thaazaakamaai faagathikan genasdhenee abadhuves e’gulhshanugai farive folhey reethi maa maleve. Mifadha ethah malakee gulshanah verivaa moorithi bahaaruge foni natheejaaeve. Shaairah oiy emme bodu yageen kamakee eynaage maushoogakee mifadha malakah vumeve. Mi maluge sababun mulhi gulshan ujaalaakoh, aaroakoh, e’gulshanuge maahirah ufalaai hiyhama jehun liyhbai dheyeve. Mi noon beynumeh, mi noon araameh dhuniyeygai kobaithoaeve?
Kun's Blog 